Mujhe 200 Rs Ki Note Kahi Se Padi Hui Mili Hai. Uska Main Kya Karu.

Masjid Me De Sakte Hai? Ya Kisi Gareeb Ko De Diya Jaye. ANSWER Aap Uska Ehlaan Kare Taakeh Jiski Woh Raqam Hai Woh Apni Raqam Aap Se Le Le. Aur Gar Ehlaan Ke Ba?ad Bhi Koi Lene Na Aaye Aur Ye Gumaan Hai Keh Jiski Raqam Hai Woh Ab Ise Talash Nahin Karta Hoga. To Kisi Faqeer Ko De De Aur Agar Khud Faqeer Hai To Khud Bhi Istemal Kar Sakta Hai. Magar Jab Kabhi Malik Mil Gaya To Use Kah De Keh Tumhari Raqam Sadqa Kardi Ya Main Ne Haalat E Faqr Me Le Liya. Agar Malik Jayez Karde To Uski Taraf Se Sadqa Hai Aur Use Iska Sawab Milega. Aur Agar Sadqa Jayez Na Kare. Balkeh Raqam Talab Kar Raha Hai To Raqam Use De De. Aur Agar Raqam Khatm Ho Gayi Ho To Utni Qeemat Apni Taraf Se Ada Kare. n

—
Khalifa-e-Huzoor Tajushshariah
Mufti Maqsood Akhtar Qadri Razvi Amjadi
Khadim – Dar al-Ifta Ridawi Amjadi
—