Konde Ki Niyaz se Mutallik Kuch Ehem Sawal
- Kya Konde ki Niyaz bid‘ah hai?
Nahi. Ahl-e-Sunnat Sunni Hanafi Barelvi aqidah ke mutabiq, Konde ki Niyaz sirf Eisale-Sawab ka ek tariqa hai. Na isme koi shirk ka element hai aur na koi aqeedi issue.
- Kya yeh Imam Jafar Sadiq RadiAllahu Anhu ke naam ka kuch naya ritual hai?
Ya unki tazeem aur Eisale-Sawab ka ek amal hai. Ahl-e-Bayt ki respect karna Ahl-e-Sunnat ki asli pehchaan hai. Is Niyaz ka maqsad unka maqam barhana nahi — sirf sawab pohnchana hai.
- Kya sirf mitti ke kundon me hi karna zaroori hai?
Bilkul nahi. Ye koi shar‘i shart nahi. Mitti ka bartan ek riwaj hai, deen ka hukm nahi.
Aap steel, glass, metal — kisi me bhi Niyaz rakh sakte ho.
Sawab niyyat se milta hai, bartan se nahi.
- Kya 22 Rajab ya koi fixed date zaroori hoti hai?
Nahi. Eisale-Sawab kabhi bhi ho sakta hai. Log 15 Rajab ya 22 Rajab isliye karte hain kyunki unka tariqa ho gaya hai — shar‘i obligation nahi.
- Kya yeh Sunnat, Farz ya Wajib hai?
Nahi. Konde ki Niyaz na farz hai, na wajib, na Sunnat.
Ye jaiz, peaceful aur rewardable practice hai jo shariyat se takraati nahi.
- Kya Eisale-Sawab ka concept Islam me proven hai?
Haan, Quran aur Hadith dono se sabit hai.
Nabi ﷺ ne ek Sahabi ko apni walida ki taraf se sadqa karne ka hukm diya — yeh base proof hai ke khana khilana aur sadqa karna morto ko sawab pohnchata hai.