Konde Ki Niyaz – Haqiqat, Maqsad aur Shari Nukra
Konde ki Niyaz ek simple aur peaceful amal hai, jiska main maqsad sirf Eisale-Sawab hota hai. Ye Niyaz Imam Jafar Sadiq RadiAllahu Anhu ko sawab nazr karne ke liye ki jati hai. Isme koi aisa concept nahi jo deen se takraaye. Asl cheez hamesha Eisale-Sawab hi hai — jo Quran o Hadith se proven hai.
Is Niyaz me mitti ke bartan ka use Sunnat ki yaad me hota hai, lekin ye koi zaruri shart nahi. Metal ya kisi bhi bartan me rakha ja sakta hai. Indian subcontinent me mitti ke kundon ki wajah se iska naam “Konde/Kunde” mashhoor ho gaya — bas itna hi.
Eisale-Sawab ka amal saal me kabhi bhi ho sakta hai. Log aksar 15 Rajab, 22 Rajab, ya poore mahine me karte hain — jo unke liye easy ho. Farz, wajib ya Sunnat nahi, balki jaiz aur acha amal hai. Is ko shirk ya biddat kehna ghaalat aur jahalat wali baat hai.
Nabi ﷺ ne bhi ek Sahabi ko apni walida ke liye sadqa (paani pilana) karne ka hukm diya — ye clear proof hai ke khane-peene ki cheezein aur sadqa ke zariye Eisale-Sawab bilkul jaiz hai.
Halwa ya mitha isliye banaya jata hai kyunki Nabi ﷺ ko halwa aur honey pasand tha — isme koi compulsion nahi. Aap kuch bhi paka sakte hain aur gareebon ko khila sakte hain.
Kuch log unnecessary restrictions laga dete hain — jaise sirf ek room me hona chahiye, sirf mitti ke bartan, ya rice niche rakhna zaruri hai. In sab ki koi shar‘i base nahi. Ye sirf riwaj hain, deen nahi.
As Sunni Hanafi Barelvi Muslims, humari zimmedari hai ke hum sahih maloomat follow karein — taake Ahle Sunnat ki image strong aur clean rahe