Maidan-e-Mahshar Kaisa Hoga? – Roman Urdu Mein Tafseeli Bayan
Maidane Mahshar
Maidane Mahshar mulke Shaam ki zameen par qayam hoga.
Us din zameen itni humwaar aur saaf-suthri hogi ki ek kinara doosre kinare se saaf dikhai dega.
Us din zameen tanbe (copper) ki hogi aur sooraj zameen se sirf ek meel ki doori par hoga.
Us waqt ek din ka andaza 50,000 baras jitna hoga.
Us din ki dhoop aur tapish se khuda ki panah!
Sar ke bheje khaulte honge… pyas ki shiddat ka ye aalam hoga ki zubaan sookh kar kaanta ho jayegi. Aise log bhi honge jinki zubaanen tash karke bahar nikal aayengi.
Paseene ki kasrat ka ye haal hoga:
-
Kisi ka paseena takhnon tak
-
Kisi ka ghutnon tak
-
Kisi ka kamar tak
-
Aur koi apne hi paseene mein doobkiyan lagata hoga.
Is musibat aur pareshani ke din mein koi kisi ka purs-e-haal na hoga.
-
Bhai bhai se bhaagega
-
Maa-baap aulad se
-
Aulad maa-baap se
-
Biwi shauhar se
-
Shauhar biwi se
Sab ek doosre se jaan chhurate phiren ge.
Takaleef ka yeh aalam hoga ke chhote bachche tak dukh-dard aur ranj gam utha utha kar boodhe ho jayenge.
Hamal wali auraton ke hamal gir padenge.
Khauf aur pareshaniyon ki wajah se log pragandah tiddiyon ki tarah idhar-udhar bhagte pherenge.
Log mad’hosh aur bad-hawaas honge, goya nasha mein hon — halaanke nasha na hoga, magar Allah ke azaab ki sakhtiyan unhein is halat tak pahuncha dengi.
(Mazameen-e-Qur’an Majeed wa Ahadees Shareef)
📚 Reference:
Book: Qiyamat Kab Aayegi? — Pages 10–11