Masah Raas Ka Behtarin Tariqa Kya Hai?
Fatwa E Mustafwiyah Ki Ek Ibarar Ki Tawajah Masla Kya farmate hai ulma deen wa muftiyan e Sharah matin masail e mandarja zail me ke 1 (ek) Kutub E hadees Wa Fiqah me Sar Ke Masah Karne Ka Masnun Tariqa Yun Bayan kiya Gaya Hai ke Dono Hath Ke anguthe Kalma ki ungliya Chordh kar Baqi Tin Tin Ungliyon ke Sar Ko Mila Kar Peshaani ke baal Ke Aage ki Jagah Par Rakhe Aur Sar Ke upari Hise Par Gadi Tak Ungliyon Me Pet Se masah Karta Huwa Le Jaye aur Hatheliya Sar Se juda Rahe. Phir Hatheliya Se Sar Ki Dono Karwato Ka Masah Karte Hue Peshaani Tak Wapas Laye. Yahi Tariqa Mash’hur Wa Maruf Ulma e Kiram Ka Mamul hai. Lekin Huzur Mufti E Azam E Hind Allaihirrahma Ne Apne Fatwa Mubarak Me Tahrir Farmaya Hai Ke Teen Teen Ungliyah Aur Hatheliya Muqdam Raas Se Is Tarah Janib Gardan Le Jaye ke Sar Ke Dono Janib Bhi Puri Hatheliyon Ke Niche Aati Jaye. To Us Surat Me Yunhi Pure Sar Ka Masah Ho Gaya, Pichhe Se Aage Lana Bekar Hai Aur ala Yahi Hai. n(Fatwa E Mustafwiyah Jild 2 Safah 60) Huzur Mufti E Azam Hind Quds Sira Ka Mamul Sharif Isi Masah Karne Ka Tha. Is faqir Ka bhi Mushahida Hai Aur Mukrami Janaab Abdul Naeem Azizi Sahab Madzila Ul aali Ne Apni Taalif Masmah Ba Huzur Mufti E Azam e Hind Quds Sira Safa 41 me Is Mamul Sharif Ka Zikr Bhi Kiya Hai. Fatwa Mubarak Me Hadees Wa Fiqah Ki Ibarat Ba Hawala Darj Nahi Hai Aur Sar ke Masah Karne Ka Yahi Tariqa Ala Bhi Farmaya Hai. Lehaza Is Masla Ko Dalail Se Mazin Farmaye Taake Yeh Masla Khub Achchi Tarah Wajeh Ho Jaye. Mustfati: Qazi Mohammad Ata ul Haq Usmani Gondwi Sayyedi Ul Karim Jad Ul Muazam Huzur Mufti E Azam e Hind Quds Sira ul Aziz Ne Jo Farmaya Wahi Azhar Hai Uski Sanad Tabyiyan Wa Hindiya Me Hai: Aur Iske Bar Akas Dusra Tariqa Mukhtaar Nahi. Balke Allama Ibn Alhamaam Ne Farmaya Ke Sunnat Me Iski Asal Nahi Chunache Radd Ul Mohtar Me Hai. Tarjumah Dono sabaab Aur Abhaam (Shahadat Ki Ungli Aur Anguthe) Ko Bawaqt E Masah Juda Rakhe. Yani Phaila De Aur Abhaamman (aanguthe) Se Take Unse Kano Ka Masah Kare Aur Hathheli Bhi Phailaye Rahe Taake Usse Sar Ke Kinare Ka Masah Kare Aur Yeh Ehtiyat Isliye Ke Masah Ka Paani Mustmil Na Ho Jaye Aur Fatah Me kaha Iski Sunnat Me Koi Asal Nahi. Isliye Ke Qabl E Ansaal Istemal Sabit Hi Nahi Hota Aur Kaan Sar Hi Hai. Wallahu Ta’la Allama Fatwa E TaajhuSariah Jild 3 Safah 22 POSTED BY:- ?
—
Khalifa-e-Huzoor Tajushshariah
Mufti Maqsood Akhtar Qadri Razvi Amjadi
Khadim – Dar al-Ifta Ridawi Amjadi
—