Namaz Ke Baad Musalle Ko Ek Side Se Kyu Fold Kiya Jata Hai?
Jawab: Hadees E Paak Me Hai Huzoor E Aqdas ? Ke Irshad Ka Maf?hoom Hai Ke Shaitan Tumhare Kapde Istemal Karta Hai, To Kapda Utaar Kar Teh Kar Diya Karo, Shaitan Teh Kiye Hue Kapde Ko Nahi Pahenta. Aur Ek Riwayat Me Hai Ke Kapde Lapet Diya Karo Ke Unki Jaan Me Jaan Aa Jaye Ke Shaitan Jis Kapde Ko Lipta Hua Dekhta Hai, Use Nahi Pahenta Aur Jise Phaila Hua Paata Hai Use Pahenta Hai, Ya Istemaal Me Laata Hai. Ibn E Abid Duniya Me Hai Ke Jahan Koi Bichauna (Bistar) Bicha Hua Ho Jis Par Koi Sota Na Ho, Us Par Shaitan Sota Hai. In Ahadees Se Is Ki Asl Nikalti Hai Ke Jab Koi Kapda Istemal Me Na Ho, To Us Ko Lapet Diya Jaaye, Ya Teh Kar Diya Jaaye. n
—
Khalifa-e-Huzoor Tajushshariah
Mufti Maqsood Akhtar Qadri Razvi Amjadi
Khadim – Dar al-Ifta Ridawi Amjadi
—